قلتلك الله يااحزني

قتـلْـكَ الله يااا حزني..

----------------------------

أعاف اللّيل وِنجومـه أعـاف البـدر وطلوعـه

وليل اليوم ما يعني مِثِل ما كـان يعنـي أمـس

وصارت ذكريات الأمس يسدِّ بها الحِزِن جوعـه

ويقتاتِ الفرحْ منّي ويطمسهـا بغـدره طمـس

عقارب ساعتي حـارت وكـلٍّ يبغـيِ ارجوعـه

إلى ذاك الزّمان اللي قضيته طفل قبـل الخمـس

أبهرب منك واتفاجـأ بطيفـك فـارد اضلوعـه

واغُضّ الطّرف واتجاهل حقيقه واضحه كالشّمس

تبي تدخلني في سجنك ومنه الرّحمـه منزوعـه

تبي تكتم بقايا الصّوت كفايه مابقي من همـس

وتغمسني فِ بَحْر الهمّ وتسقيني الزّبَـد لوعـه

قتلْكَ الله ياحزنٍ تفنّـن فـي السِّقـا والغمـس